Ресейдің Омбы облысында инфекция жұқтырғандар төрт есе көбейді
Сурет: Zakon.kz
Омбы облысында омикронның мутацияға ұшыраған түрі тіркелді. Вирус жылдам тарайтындықтан, науқас саны бірден артқан. Бір күнде 200-300 адамнан қауіпті инфекция анықталды, деп жазады qazaqstan.tv.
Сондықтан 1 наурыздан бастап вирусты алдын алу үшін шектеу шаралары қабылданды. Яғни бірқатар мекемелерде карантин жарияланса, қоғамдық орындарға маскасыз кіргізбейді.
Коронавирус барлық әлемге тарап жатқандықтан, өте қорқынышты. Біз вакцина салдырдық. Иммунитет қалыптастырады деп үміттенеміз. Барлық қауіпсіздік шараларын сақтап жүрміз, дейді Наталья Соболь, Омбы қаласының тұрғыны.
Қазір Ресейдің 85 өңірінде вакцнация қайтадан қолға алынды. Екпе қабылдағандардан ревакцинация талап етілуде, яғни үшінші рет салуы тиіс. Ал коронавирус жұқтырғандарға арналған ауруханалар 90 пайызға толған. Сондықтан кей өңірлер қайтадан инфекцияның бар-жоғын анықтайтын ПТР тест талап етуі мүмкін.
