Мұрат Нұртілеу премьер-министрінің орынбасары – Сыртқы істер министрі болды

Мұрат Нұртілеу Сыртқы істер министрі болып тағайындалды, деп хабарлайды Zakon.kz.

Хабарлама Ақордада жарияланды.

"Мұрат Әбуғалиұлы Нұртілеу Қазақстан Республикасы Премьер-Министрінің орынбасары – Сыртқы істер министрі болып тағайындалсын, ол Қазақстан Республикасы Президенті Әкімшілігінің Басшысы лауазымынан босатылсын", - делінген хабарламада.

Мұрат Нұртілеу 1976 жылы Алматы қаласында туған. 1998 жылы әл-Фараби атындағы Қазақ ұлттық университетінің Халықаралық қатынастар факультетін тәмамдаған.

Еңбек өтілі:

• 1998-1999 жылдары – ҚР Сыртқы істер министрлігі Мемлекеттік протокол қызметінің референті, атташесі.
  
• 1999-2003 жылдары – ҚР Малайзиядағы атташесі.
  
• 2003-2004 жылдары – ҚР Сыртқы істер министрлігі Азия және Африка департаментінің екінші хатшысы.
• 2004-2006 жылдары – ҚР Сыртқы істер министрінің кеңесшісі.
• 2007 жылы – ҚР Сыртқы істер министрі хатшылығының басшысы.
• 2007 жылы – ҚР Парламенті Сенатының Аппараты басшысының орынбасары.
• 2007-2011 жылдары – ҚР Парламентінің Сенаты Аппаратының басшысы.
• 2011 жылы – ҚР Сыртқы істер министрлігінің Ерекше тапсырмалар жөніндегі елшісі.
• 2011 жылы – ҚР Сыртқы істер министрлігі Азия және Африка департаментінің директоры.
• 2011-2014 жылдары – ҚР Женевадағы (Швейцария Конфедерациясы) тұрақты өкілдігінде кеңесші-уәкіл.
• 2014-2016 жылдары – ҚР Президенті Әкімшілігінің Сыртқы саясат орталығы меңгерушісінің орынбасары.
• 2016-2019 жылдары – ҚР Финляндия Республикасындағы Төтенше және өкілетті елшісі, Қазақстанның Эстониядағы Төтенше және өкілетті елшісі қызметін қоса атқарушы.
• 2019-2021 жылдары – ҚР Президентінің көмекшісі.
• 2021-2022 жылдары – ҚР Президентінің Әкімшілігі Басшысының орынбасары.
• 2022 жылғы қаңтар – ҚР Ұлттық қауіпсіздік комитеті төрағасының бірінші орынбасары.
• 2022 жылғы 1 ақпанда Мемлекет басшысының Жарлығымен ҚР Президенті Әкімшілігінің Басшысы болып тағайындалды.