Қазақстанның Әділет министрі тағайындалды
Сурет: primeminister.kz
«Азамат Несіпбайұлы Есқараев Қазақстан Республикасының Әділет министрі болып тағайындалсын», - делінген Ақорданың сайтында жарияланған құжатта.
Азамат Есқараев 1979 жылы 7 қазанда Алматыда дүниеге келген. Қазақ мемлекеттік заң академиясын бітірген.
Еңбек жолын Алматы қаласындағы ДЭЗ-2 мекемесінде жұмысшы болып бастаған (1996). Осы жылдар ішінде Қазақстан Республикасы Әділет министрінің көмекшісі болды (07.2007-2008 ж.);
Қазақстан Республикасы Әділет министрлігі Талдау және стратегиялық жоспарлау департаментінің директоры (2008-2009);
Қазақстан Республикасы Әділет министрлігі Заңнама департаментінің директоры (2009-2014);
Қазақстан Республикасы Премьер-Министрі Кеңсесінің Заң бөлімі меңгерушісінің орынбасары (2014-2019);
Қазақстан Республикасы Премьер-Министрі Кеңсесінің Заң бөлімінің меңгерушісі (26.07.2019-01.04.2023).
2023 жылғы 4 қаңтарда Қазақстан Республикасының Әділет министрі болып тағайындалды.
