Ғани Бейсембаев Оқу-ағарту министрі лауазымында қалды

Сурет: primeminister.kz

Ғани Бейсембаев Оқу-ағарту министрі лауазымында қалды, деп хабарлайды Zakon.kz.

Бұл туралы Ақорда мәлімдеді.

"Мемлекет басшысының Жарлығымен Ғани Бектайұлы Бейсембаев Қазақстан Республикасының Оқу-ағарту министрі лауазымына тағайындалды", - делінген хабарламада.

Ғани Бейсембаев 1969 жылы Қызылорда облысында туған. Абай атындағы Алматы мемлекеттік университетін бітірген. Философия және психология ғылымдарының докторы.

Еңбек өтілі:

1989-1995 жылдары Алматы облысы Талғар ауданының №14 орта мектебінің қазақ тілі мұғалімі, оқу-тәрбие ісі жөніндегі директордың орынбасары болып жұмыс істеген.
1995-1997 жылдары Алматы облысы Іле ауданының №12 орта мектебінің директоры лауазымын атқарған.
1997-2000 жылдары Ы. Алтынсарин атындағы Қазақ білім академиясының ғылыми хатшысы болған.
2000 жылы Алматы облысы Қапшағай қаласының білім бөлімін басқарған.
2001-2006 жылдары «Халықаралық қосымша білім беру орталығы» жауапкершілігі шектеулі серіктестігінің директоры болып жұмыс істеген.
2006-2020 жылдары «EDTECN» Халықаралық білім беру орталығының бас директоры лауазымын атқарған.
2020 жылы Білім және ғылым министрлігінің «Оқулық» республикалық ғылыми-практикалық орталығының директоры болып тағайындалған.
2020-2022 жылдары Ы. Алтынсарин атындағы Ұлттық білім академиясының президенті лауазымын атқарған.
2022 жылғы наурыздан тамызға дейін ҚР Білім және ғылым вице-министрі.
2022 жылғы тамыздан бастап ҚР Оқу-ағарту вице-министрі.
2023 жылғы қаңтардан бастап ҚР Оқу-ағарту министрі.

Оқи отырыңыз