Жаңалықтар тізбегі
0

Оқу-ағарту министрі оқушыларға шабуыл жасалған Петропавлдағы мектепке әлі бармаған

Оқу-ағарту министрі оқушыларға шабуыл жасалған Петропавлдағы мектепке әлі бармаған Сурет: primeminister.kz
Оқу-ағарту министрі Ғани Бейсембаев оқушыларға шабуыл жасалған Петропавлдағы мектепке әлі өзі бармағанын айтты, деп хабарлайды Zakon.kz.

Журналистер Ғани Бейсембаевтан Оқу-ағарту министрлігі Петропавл мектебіндегі балтамен шабуылдаушыны залалсыздандырған оқушыларға неге шоколад беруден басқа назар аудармағанын сұрады.

"Сұрағыңыз орынды. Жұмыс жоспарымда міндетті түрде Петропавлға сапарым жоспарланған. Шоколадтан бөлек, ерекше көңіл бөлу керек. Мұның бәрі менің жоспарымда. 8 наурыздан кейін кездескенімізді міндетті түрде хабарлаймын. Тек балалармен кездесіп қана қоймай, олардың ата-аналарына да тәрбиесі үшін алғыс айтқым келеді. Ал балаларға оларға қажет болатын затты беру керек деп ойлаймын." Ғани Бейсембаев

Министрдің неліктен Петропавлдағы мектепке әлі бармағанын сұрағанда, ол белгілі бір жағдай болса ол жерге Төтенше жағдайлар министрі баратынын және өзі Қазақстанның түкпір-түкпіріндегі мектептерде қауіпсіздікті қамтамасыз етумен айналысқанын айтып, түсіндірді.

13 ақпан күні Петропавл мектебінде төтенше жағдай болды: 9-сынып оқушысы сыныпқа балта мен пышақ әкелді. Соның салдарынан үш бала зардап шекті. Олардың екеуі жансақтау бөлімінде жатқаны хабарланды.

Кейін бала 15 жаста екені, ол депрессия диагнозымен психиатриялық есепте тұрғаны белгілі болды. Оқушы 2022 жылдың қараша айынан бастап қаладағы №4 орта мектепте оқи бастаған. Оқу ісі меңгерушісінің айтуынша, 9-сынып оқушысы мүмкіндігінше оқыған, өзін сабырлы ұстаған.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: