Қасым-Жомарт Тоқаев Қырғызстанда Шарль Мишельмен кездесті
![Еуропалық кеңес президенті, Қазақстан президенті, «Орталық Азия – Еуропалық Одақ» саммиті , сурет - Zakon.kz жаңалық 02.06.2023 15:05](https://kaz.zakon.kz/pbi/WEBP/2023-12-20/file-d626bcca-c5d1-4bcd-a18a-698077bcaf99/800x450.webp)
Мемлекет басшысы Қасым-Жомарт Тоқаев 2 маусым күні Еуропалық кеңестің президенті Шарль Мишельмен кездесті, деп хабарлайды Zakon.kz.
"Орталық Азия – Еуропалық Одақ" саммиті аясында Мемлекет басшысы Еуропалық кеңес президенті Шарль Мишельмен кездесу өткізді, деп мәлімдеді ҚР президентінің баспасөз қызметі.
Қасым-Жомарт Тоқаев Шарль Мишельге ілтипат білдіре отырып, Қазақстан Еуропалық Одақпен стратегиялық серіктестікке баса мән беретінін атап өтті.
"Еліміздің Еуропалық Одақпен жасаған Кеңейтілген серіктестік және ынтымақтастық туралы келісімі берік қарым-қатынастардың жаңа кезеңіне жол ашты. Бүгінде ЕуроОдақ – Қазақстанның жетекші сауда серіктесі және экономикамыздың ең ірі инвесторы", – делінген хабарламада.
Өз кезегінде Шарль Мишель ЕуроОдақ пен Қазақстан арасындағы ынтымақтастықтың қарқынды дамып келе жатқанын жоғары бағалап, өзара қарым-қатынасты одан әрі дамыту үшін бірлесе жұмыс істеу керек екенін атап өтті.
Сондай-ақ олар жаһандық және өңірлік күн тәртібіндегі мәселелер жөнінде пікір алмасты.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript