Әсем Рахметова СҚО-дан сайланған Сенат депутаты ретінде тіркелді

Сурет: ҚР ОСК баспасөз қызметі

7 маусымда Нұрлан Әбдіровтің төрағалығымен ҚР Орталық сайлау комиссиясының "Солтүстік Қазақстан облысынан ҚР Парламенті Сенатының шығып қалған депутатының орнына 2023 жылғы 2 маусымда сайланған депутатты тіркеу туралы" қаулысын қабылдау бойынша отырысы өтті, деп хабарлайды Zakon.kz.

Облыстық сайлау комиссиясы хаттамасының және "Солтүстік Қазақстан облысынан ҚР Парламенті Сенатының шығып қалған депутатының орнына 2023 жылғы 2 маусымда болған сайлаудың қорытындыларын анықтау және жариялау туралы" ҚР Орталық сайлау комиссиясының 2023 жылғы 6 маусымдағы № 74/770 қаулысының негізінде ҚР Орталық сайлау комиссиясы Әсем Рахметованы ҚР Парламенті Сенатының депутаты ретінде тіркеуге қаулы етті.

Сондай-ақ, осы күні Орталық сайлау комиссиясының төрағасы Нұрлан Әбдіров Рахметоваға Парламент депутатының куәлігі мен төсбелгісін табыс етті.