Қазақстанда ШЫҰ-ның Энергетикалық форумы өтуі мүмкін
Сурет: pixabay
Мемлекет басшысы Қасым-Жомарт Тоқаев ШЫҰ-ға мүше мемлекеттер басшылары кеңесінің Ұйым шеңберінде энергетикалық ынтымақтастықты нығайту бойынша бірқатар ұсыныс жасап, Қазақстан ШЫҰ-ның Энергетикалық форумын өткізуге дайын екенін жеткізді, деп хабарлайды Zakon.kz.
Қазақстан президенті Ұйым аясында энергетикалық тепе-теңдікті қамтамасыз ету жұмыстарын үйлестіру қажет екенін атап өтті.
"Бүгінде бұл бағыттағы өзара жүйелі іс-әрекеттерді жолға қоюдың өзектілігі артып келеді. Бізге энергетикалық тепе-теңдікті қамтамасыз ету жұмыстарын үйлестіру қажет Сондай-ақ энергетиканың жаңа түрлеріне көшуге, экономика мен өнеркәсіпті көміртегінен арылтуға бағытталған келісімді іс-әрекеттер керек".Қасым-Жомарт Тоқаев
Осыған байланысты ол келесі Астана саммитіне дейін ШЫҰ-ның Энергетикалық стратегиясын келісуді ұсынды.
"Бұл құжаттың қабылдануы орнықты даму саласындағы БҰҰ Күн тәртібінің мақсаттарын жүзеге асыруға ықпал етеді. Біз аталған мәселенің аса маңызды екенін ескере отырып, Қазақстанда ШЫҰ-ның Энергетикалық форумын өткізуге дайынбыз", – деді ол.
Оның сөзінше, бұл саладағы ынтымақтастықтың перспективаларын жан-жақты талқылау елдердің энергетикалық қауіпсіздігі мен теңгерімді дамуын қамтамасыз ету үшін бірлескен әдістер әзірлеуге мүмкіндік бермек.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
