Саран қаласының әкімі Ержан Темірханов қызметінен кетті
Сурет: wikimedia
Ержан Темірханов Қарағанды облысындағы Саран қаласының әкімі қызметінен босатылды. Қала басшысының міндетін уақытша Алмас Сүлейменов атқарады, деп хабарлайды Zakon.kz.
Ержан Темірхановтың қызметінен кеткенін "Вечерняя Караганда" басылымы жазды. Басылымның мәліметінше, әкімнің еңбек келісім-шартының мерзімі аяқталған.
Ержан Темірханов 1980 жылы туған, Қарағанды заң институтын және Бөкетов атындағы Қарағанды мемлекеттік университетін бітірген. Еңбек жолын Алматы қаласы бойынша кедендік бақылау департаментінде бастаған (2002-2005), кейін Алматы және Қарағанды қалаларындағы жеке ұйымдарды басқарды, 2011 жылы "БТА Банкі" АҚ-да басқарма басшысы қызметін атқарды. 2012-2013 жылдары Қарағанды облысы әкімдігінің кәсіпкерлік және өнеркәсіп басқармасын басқарды, 2013 жылы Қарағанды қаласы әкімінің орынбасары, 2013-2017 жылдары Қарағанды қаласы Октябрь ауданының әкімі болды.
Ержан Темірханов Саран қаласының әкімі қызметін 2017 жылдың мамыр айынан бері атқарды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
