Асқар Бейсенбаев Қазақстанның Беларусь Республикасындағы елшісі қызметінен босатылды

Ақорда мемлекет басшысының Жарлығымен Асқар Асанұлы Бейсенбаев қызметінен босатылғанын мәлімдеді, деп хабарлайды Zakon.kz.

"Мемлекет басшысының Жарлығымен Асқар Асанұлы Бейсенбаев Қазақстан Республикасының Беларусь Республикасындағы Төтенше және Өкілетті Елшісі, ТМД Жарғылық органдарының жанындағы Тұрақты Өкіл қызметін қоса атқарушы лауазымдарынан босатылды", - делінген хабарламада.

Асқар Бейсенбаев бұл қызметтерге 2019 жылғы 12 тамызда тағайындалған еді.