Президент Сыртқы істер министрінің екі орынбасарын тағайындады

Қасым-Жомарт Тоқаев Сыртқы істер министрінің орынбасарларын тағайындау туралы бұйрыққа қол қойды, деп хабарлайды Zakon.kz.

Ақорданың хабарлауынша, Мемлекет басшысының өкімдерімен:

• Әлібек Бақаев Қазақстан Республикасы Сыртқы істер министрінің орынбасары болып тағайындалды;
• Нәзира Нұрбаева Қазақстан Республикасы Сыртқы істер министрінің орынбасары болып тағайындалды.

Нұрбаева Нәзира Нұртүлеуқызы 1975 жылы дүниеге келген.

Қазақ мемлекеттік басқару академиясын "Қаржы және несие" мамандығы бойынша бітірген; Қазақ мемлекеттік халықаралық қатынастар және әлем тілдері университеті, "Консулдық қызмет" мамандығы; Висконсин Ричленд университеті, АҚШ – "Іскерлік басқару" мамандығы; ҚМЭБИ – басқарушы персоналға арналған MBA.

Еңбек жолын PwC компаниясында аға кеңесші/кеңесші болып бастады (05.1998-05.2003). Осы жылдар ішінде ол аға менеджер болып жұмыс істеді (салық және заң қызметтері, PwC); PwC Атырау кеңсесінің басшысы; Директор (салық және заң қызметтері, PwC). 2021 жылдан бастап "Самұрық-Қазына" АҚ Бақылау кеңесінің мүшесі, экономика және қаржы жөніндегі басқарушы директоры.