"Батыл тойтарыс-2023" әскери оқу-жаттығуында президентке қандай жаттығулар көрсетілді
![ҚР Қарулы күштері, "Батыл тойтарыс-2023" әскери оқу-жаттығу, сурет - Zakon.kz жаңалық 05.09.2023 14:50](https://kaz.zakon.kz/pbi/WEBP/2023-12-20/file-2aee8d78-8d7c-477d-8303-41f93679964b/800x450.webp)
Президент – Қарулы Күштердің Жоғарғы Бас қолбасшысы Қасым-Жомарт Тоқаевтың басшылығымен "Жағалау" оқу-жаттығу полигонында "Батыл тойтарыс-2023" стратегиялық командалық-штабтық әскери оқу-жаттығу жиыны өтті, деп мәлімдеді Ақорданың баспасөз қызметі.
Қасым-Жомарт Тоқаев оқу-жаттығу жиынын бақылау мұнарасынан тамашалады.
![, сурет - Zakon.kz жаңалық 05.09.2023 14:50](https://kaz.zakon.kz/pbi/WEBP/2023-12-20/file-41545b39-595a-4262-96ea-d8171615fad6/800x450.webp)
Сурет: akorda.kz
Әскери әдіс-тәсілдер көрсетер алдында Мемлекет басшысына генерал-майорлар Болат Жорабаев пен Алмаз Жұмакеев қорғаныс операциясы кезіндегі Арнаулы операциялар күштері мен Десанттық-шабуылдау әскерлерінің әрекеті жөнінде баяндады.
Десанттық-шабуылдау әскерлерінің бригадалық-тактикалық топтары авиацияның қолдауымен, сондай-ақ Құрлық әскерлері және Арнаулы операциялар күштерінің бөлімшелерімен бірлесе отырып, судан өту арқылы қарсы жағалаудағы жау шебін басып алу үшін тактикалық іс-қимыл жүргізді.
![, сурет - Zakon.kz жаңалық 05.09.2023 14:50](https://kaz.zakon.kz/pbi/WEBP/2023-12-20/file-ac1956da-970c-4d7b-9f0d-baaaecef9bf1/800x450.webp)
Сурет: akorda.kz
Ал Арнаулы операциялар күштері мен Ұлттық ұлан бөлімшелері шартты жау қолына өткен Қапшағай ГЭС-ін азат етті. Төтенше жағдайлар министрлігінің бөлімшелері техногендік апат салдарын жоюмен айналысып, халыққа гуманитарлық көмек көрсету міндетін атқарды.
Қарулы Күштердің Бас штабы әзірлеген бірыңғай жоспар мен мақсатқа сәйкес әскерлер оқу-жаттығу жиыны өтетін аудандарға стратегиялық тұрғыда қайта топтастырылды.
![, сурет - Zakon.kz жаңалық 05.09.2023 14:50](https://kaz.zakon.kz/pbi/WEBP/2023-12-20/file-8d23caef-ac69-4d7f-a023-ed8cf7e52060/800x450.webp)
Сурет: akorda.kz
Атап айтқанда, Әскери-теңіз күштері авиацияның және Арнаулы операциялар күштерінің қолдауымен Каспий теңізі акваториясындағы экономикалық қызмет нысандарының қауіпсіздігін қамтамасыз етті.
![, сурет - Zakon.kz жаңалық 05.09.2023 14:50](https://kaz.zakon.kz/pbi/WEBP/2023-12-20/file-95018216-e377-40a2-b1e7-1716ab450850/800x450.webp)
Сурет: akorda.kz
Алматы, Қарағанды, Солтүстік Қазақстан және Абай облыстарындағы полигондарда да осындай оқу-жауынгерлік міндеттер орындалды.