Берік Уәли ҚР Президентінің баспасөз хатшысы болып тағайындалды
Сурет: gov.kz
Мемлекет басшысының бұған дейінгі өкіміне сәйкес, Нұрмұхамед Исманұлы Байғараев Қазақстан Республикасы Президентінің баспасөз хатшысы лауазымынан өз еркімен берген өтініші бойынша босатылды.
Бұл лауазымда Нұрмұхамед Байғараевтың орнын Берік Уәли басты.
Берік Уәли 1977 жылы дүниеге келген.
Ол Т. Жүргенов атындағы Қазақ мемлекеттік театр және кино институтын "Кинотанушы", әл-Фараби атындағы Қазақ ұлттық университетінің магистратурасын "Журналистика", Қазақ инновациялық гуманитарлық-заң университетін "Құқықтану" мамандықтары бойынша бітірген.
1997-2012 жылдары – "Хабар" агенттігінің, "ТАҢ" телекомпаниясының, "НТК" телеарнасының, "31 канал" ЖШС-нің журналисті, ақпараттық бағдарламаларының редакторы, "Нұр Медиа" ЖШС-нің жемқорлыққа қарсы медиа орталығының жетекшісі.
2018-2019 жылдары – Қазақстан ұлттық арнасының "1-студия" саяси ток-шоуының жетекшісі әрі жүргізушісі.
2012-2015 жылдары – Оңтүстік Қазақстан облысы әкімі аппараты басшысының орынбасары, баспасөз қызметінің басшысы, Ішкі саясат және дін істері басқармасының басшысы.
2015-2016 жылдары – Nur Otan партиясы төрағасы Бірінші орынбасарының кеңесшісі.
2016-2018 жылдары – ҚР Инвестициялар және даму министрінің кеңесшісі, Ақпараттық қамтамасыз ету департаментінің директоры.
2018-2019 жылдары – Жамбыл облысы әкімдігінің Ішкі саясат басқармасының басшысы.
2019-2022 жылдары – Қазақстан Республикасы Президентінің баспасөз хатшысы.
2022 жылдың наурыз айынан бастап бүгінге дейін "Хабар" агенттігі" акционерлік қоғамының Басқарма төрағасы болып келген.
