Тоқаев санкциялық текетірестерді айыптап, шектеусіз және кедергісіз сауда-саттықты жақтады
Сурет: akorda.kz
Орталық Азия мемлекеттері басшыларының Германия канцлері Олаф Шольцпен кездесуінде Қасым-Жомарт Тоқаев санкциялық текетірестерді айыптап, шектеусіз және кедергісіз сауда-саттықты жақтады, деп хабарлайды Zakon.kz.
"Қазақстан санкциялық текетірестерге қарсы. Өйткені саяси тұрғыда негізделген шектеулер халықаралық қатынастардағы жалпы ахуалға сызат түсіреді және мемлекеттер арасындағы сауда-экономикалық ынтымақтастықтың дамуына кері әсер етеді. Сонымен бірге біз аймақтық саясаттағы санкциялық шектеулерді ескеруге мәжбүрміз. Бейбітшілік пен ынтымақтастықтың өзара тиімді формуласын табу үшін сындарлы дипломатияның уақыты келді деп санаймыз. Мен бұл туралы жуырда өткен БҰҰ Бас Ассамблеясы сессиясының мінберінде сөйлеген сөзімде айттым. Қазақстан барлық мүдделі мемлекетпен арадағы кедергісіз сауданы дамытуды және инвестициялық ынтымақтастық орнатуды жақтайды. Құрметті Канцлер, кеше экономикалық ынтымақтастық мәселелері жөнінде Сізбен және Германияның жетекші компанияларының басшыларымен табысты келіссөз жүргіздім. Мұндай ықпалдастықтың келешегі жарқын болады деп санаймын", – деді Қасым-Жомарт Тоқаев.
Мемлекет басшысы бұған дейін Қазақстанның Ресей тарапынан территориялық талаптар туындайды деп еш алаңдамайтынын айтқан болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
