Мемлекеттік хатшы Ерлан Қарин Республика күнінің тарихи маңызын атап көрсетті

Сурет: Zakon.kz

Бұл сауалға ҚР Мемлекеттік хатшысы Ерлан Қарин жауап берді, деп хабарлайды Zakon.kz.

"Тура осы күні 1990 жылы елдің Жоғарғы Кеңесінің отырысында 6 сағаттық қызу пікірталастан кейін Республиканың Мемлекеттік егемендігі туралы декларация қабылданды. Жобаның өзін бес ай бойы депутаттардың, ғалымдардың, қоғам қайраткерлерінің үлкен тобы әзірледі. Қазақстан тарихында тұңғыш рет іргелі мемлекеттік құжат белсенді қоғамдық талқылаудан өтті. Декларация Қазақстанның мемлекеттік егемендігін жариялады, Қазақстанның тәуелсіз мемлекет ретіндегі саяси-құқықтық негіздерін жариялады", делінген Ерлан Қариннің Telegram-арнадағы жазбасында.

Еліміздің егеменді құқықтары алғаш рет белгіленді:

қолданыстағы шекаралар бойынша Республика территорияларының бөлінбейтіндігі мен қол сұғылмаушылық қағидаттары;
Республика Конституциясы мен заңдарының үстемдігі;
Республиканың азаматтық институты;
Мемлекеттің билігіне Республиканың үстемдігінің, дербестігінің, ішкі және сыртқы саясаттағы өкілеттіктерінің толыққандығының бекітілуі;
барлық ұлттық байлықтар Республиканың айрықша меншігі болып жарияланды (жер және оның жер қойнауы, су, әуе кеңістігі, өсімдіктер мен жануарлар дүниесі, басқа да табиғи ресурстар, халықтың мәдени және тарихи құндылықтары, экономикалық, ғылыми, техникалық әлеуеті);
Республиканың халықаралық қатынастарда дербес субъектісі болу, сыртқы саяси қызмет мәселелерін дербес шешу құқығы.

"Осылайша, 1990 жылы 25 қазанда біздің Тәуелсіздігімізді алуға алғашқы қадам жасалды. Республиканың Егемендігі туралы декларация тарихтағы алғашқы конституциялық құжат, қазіргі Қазақстанның мемлекеттілігінің негізі болып табылады. Бір жылдан кейін - 1991 жылғы 16 желтоқсандағы декларация қағидаттары негізінде "Қазақстан Республикасының мемлекеттік тәуелсіздігі туралы" Конституциялық заң елімізге Егемен және тәуелсіз мемлекет мәртебесін түпкілікті бекітіп берді", деп жазды Мемлекеттік хатшы.

Сондықтан Республика күні еліміздің шынайы тәуелсіздікке қол жеткізудегі батыл қадамының басты символы болып табылады.

Ал 1995-2001 жылдары ол ұлттық мереке ретінде саналды. Ал өткен жылы Мемлекет басшысы бұл мерекені қалпына келтіру және оған ұлттық мереке мәртебесін қайтару туралы шешім қабылдады.

Оқи отырыңыз