Астанада тағы бір елдің елшілігі ашылады

Мемлекет басшысы Қасым-Жомарт Тоқаев пен Кипр Республикасының Сыртқы істер министрі Константинос Комбостың кездесуі кезінде Астанада тағы бір елшілік ашылатындығы туралы белгілі болды, деп хабарлайды Zakon.kz.

"Президент Қасым-Жомарт Тоқаев Кипр үкіметінің Астана қаласында елшілік ашу туралы шешімін құптады. Оның айтуынша, бұл қадам дипломатиялық байланыстардың жаңа кезеңіне жол ашып, өзара серіктестіктің дамуына серпін береді", делінген Ақорда хабарламасында.

Сурет: akorda.kz

Сондай-ақ кездесу барысында Қасым-Жомарт Тоқаев Қазақстанның Кипр Республикасымен серіктестік қарым-қатынасты дамытуға ниетті екенін растап, дипломатиялық қатынас орнаған 32 жылдың ішінде елдеріміз арасында берік саяси диалог пен инвестиялық ынтымақтастық қалыптасқанына назар аударды.