"Ақорда" резиденциясында Си Цзиньпинді салтанатты қарсы алу рәсімі өтті

Қазақстанға мемлекеттік сапармен келген Қытай Халық Республикасының Төрағасы Си Цзиньпинді "Ақорда" резиденциясында салтанатты қарсы алу рәсімі өтті, деп хабарлайды Zakon.kz.

Президент Қасым-Жомарт Тоқаев ҚХР Төрағасы Си Цзиньпиннің кортежін өзі күтіп алды.

Сурет: akorda.kz

Мәртебелі мейманның құрметіне Қазақстан Республикасы Әуе қорғанысы күштерінің ұшақтары Қытай туымен түстес қызыл, сары жолақ із қалдырып, ұшып өтті.

Сурет: бейнежазба скриншоты

Посмотреть эту публикацию в Instagram

Публикация от АРХИТЕКТУРА АСТАНЫ (@architecture_astana)

Бұдан кейін Қасым-Жомарт Тоқаев пен Си Цзиньпин бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің әнұрандары орындалды.

Сурет: akorda.kz

Сурет: akorda.kz

Салтанатты рәсімнен кейін мемлекеттер басшылары келіссөз залына барды.

2 шілде күні Си Цзиньпиннің Астанаға ұшып келгенін хабарлаған болатынбыз. Қытайдың көшбасшысы Қазақстанда үш күн болады: 2-4 шілде аралығында.

Сапар бағдарламасы жоғары деңгейде екіжақты келіссөздер жүргізуді және бірқатар маңызды құжаттарға қол қоюды көздейді.