Тоқаев Сауд Арабиясына келді

Мемлекет басшысы Қасым-Жомарт Тоқаев One Water саммитіне қатысу үшін Сауд Арабиясына жұмыс сапарымен келді

Халықаралық форум Қазақстан мен Францияның төрағалығымен, Сауд Арабиясы және Дүниежүзілік банк тобының қолдауымен өтеді.

Сонымен қатар Президент Рияд қаласында бірқатар кездесу өткізуді жоспарлап отыр.

Ақорданың баспасөз қызметі президенттің Сауд Арабиясы астанасындағы әуежайдағы кездесуінен бірқатар фотосуреттерді жариялады.

2024 жылғы 23 қыркүйекте Тоқаев Екі қасиетті мешіттің қамқоршысы – Король Салман бен Абдулазиз Әл Сауд пен Сауд Арабиясының тақ мұрагері және Премьер-министрі Мұхаммед бен Салман Әл Саудты, сондай-ақ ел халқын Ұлттық күнімен құттықтады.