Абай облысының экс-әкімі премьер-министрдің кеңесшісі болып тағайындалды

Қазақстан премьер-министрінің жаңа кеңесшісі тағайындалды. Лауазымды қызметке Нұрлан Ұранхаев таңдалды, деп хабарлайды Zakon.kz.

Бұл ақпаратты үкімет 2025 жылғы 20 мамырда растады.

Нұрлан Ұранхаев жаңа қызметінде құрылыс және өнеркәсіп мәселелеріне жетекшілік етеді.

Айта кетейік, 2022 жылдың маусымынан 2025 жылдың ақпанына дейін Абай облысының әкімі қызметін атқарды. 2025 жылғы 14 ақпанда президент Жарлығымен бұл қызметтен босатылды. Оның орнына Берік Уәли тағайындалды.

Нұрлан Ұранхаев 1965 жылы 4 сәуірде Семей қаласында дүниеге келген. Ол В. И. Ленин атындағы Қазақ политехникалық институтын "инженер-механик" мамандығы бойынша, Қазақ қаржы-экономикалық институтын "экономист-менеджер" мамандығы бойынша, Шығыс Қазақстан мемлекеттік техникалық университетін "инженер-құрылысшы" мамандығы бойынша бітірген.