Димаш Құдайбергеннің жанкүйерлері ағаш егу акциясын бастады
Сурет: dimashnews.com
Мамырда Чили, Аргентина, Боливия, Перу, Мексика, Коста-Рика, Венесуэла, Колумбия және Жапониядан келген әнші Димаштың жанкүйерлерінен тұратын Dimash Latin Dears фан-клубы "Патагониядағы достар қауымдастығымен" бірлесіп, Аргентинада ормандарды қалпына келтіру бойынша науқан ұйымдастырды.
Бұл қауымдастық бұл ауданда тұқым жинаумен айналысады, оларды өсіреді, содан кейін мамырда немесе қыркүйекте ағаш отырғызуды ұйымдастырады.
Орманды қалпына келтіру науқанын бастау үшін Dimash Latin Dears қаражат жинаған. Жиналған ақшаға фан-клуб мамыр айында "Патагониядағы достар қауымдастығынан" 382 ағаш сатып алды. Бұл туралы Dimashnews.com сайты хабарлады.
Кейін фан-клуб екінші акцияны бастады. Бұл жолы науқанға Димаштың бүкіл әлемнің жанкүйерлері өз еріктерімен қатысты. Қазір Dears қалаған мақсатына 200-ден аз ағаш егу қалды, содан кейін Димаштың атына "Орман сақтаушы" сертификаты беріледі.
