Darkhan Juzz-дің денесі 28 ақпанда Алматыға жеткізіледі

24 ақпан күні Darkhan Juzz лақап атымен танылған музыкант қайтыс болғаны хабарланған еді. Қаралы хабарды ҚР Сыртқы істер министрлігі нақтылады. Таиланд полициясының мәліметіне сай, Дархан Жүнісбеков 24 ақпанда Пхукет аралында опат болды.

"Отандасымыз Дархан Жүнісбековтің денесі 28 ақпан күні Алматыға Air Astana компаниясының Пхукет-Алматы рейсімен жеткізіледі. Жеткізу шығынын компания өз мойнына алды. Тайландтағы шығындарды отандасымыздың достары төлеген", - деді Сыртқы істер министрлігінің ресми өкілі Айбек Смадияров.

Бұған дейін Дархан Жүнісбековтің продюсері қаржы жинап жатқаны туралы хабар тараған еді. Айбек Смадияровтың айтуынша, жиналған қаражат марқұмның туыстарына беріледі.

Дархан Жүнісбеков 1991 жылы 9 тамызда Алматыда дүниеге келген. Көпке Darkhan Juzz деген атпен танылған әнші - "Үйде", "Сапар", "Шекер", "Кейіпкер" әндерін шығарып, өзі оны орындайтын. Оның инди-поп жанрындағы әндері ерекше жаңа стиль алып келген еді.

Оқи отырыңыз

Роза Рымбаеваның әрекеті желі қолданушыларын сүйсіндірді

17:46, 27 наурыз 2023

Әли Оқапов ұлына бесік той жасап, оны қалың жұртқа көрсетті

10:44, 27 наурыз 2023

"Бұл той емес, ауызашар". Роза Рымбаева немересінің бесік тойын атап өтті

13:59, 26 наурыз 2023