Олимпиада-2022: Бейжіңде біздің ұлттық құраманы қалай қарсы алды

Бейжіңге ұшып шыққандардың барлығы Қытайға аттану үшін 27 қаңтарға дейін алдын ала дайындалды. Карантинде болып, күнделікті ПТР-тест тапсырып, денсаулықтарына байланысты көптеген декларация толтырды. Бұл іс-шаралар жаттығулардан тыс спортшылар, жаттықтырушылар және делегация мүшелері үшін дайындық кезеңінің ажырамас бөлігіне айналды. Барлық делегациялар, ережелерге сәйкес, Бейжіңге чартерлік рейспен келіп жетуі керек. Әрине, бетперде, қорғаныс шлемі, әлеуметтік қашықтықты сақтау, антисептиктерді қолдану және т.б. талаптарды орындай отырып.

Қазақстандық команда мүшелері де осы талаптарға сай әрекет етті. Делегацияның негізгі бөлігі Астана мен Алматыдан ұшып шықты, ал Еуропадағы жиындарда жүрген қалған атлеттер мен жаттықтырушылардың тағы бір бөлігі жақын арада Бейжіңге келіп жетуі тиіс.

Ұшақтан түсіп, Бейжің әуежайының терминалына шыққан соң біздің спортшыларға бірден ПТР-тестке тіркелу ұсынылды.

Арнайы құрылғы мәзірінде орыс тілі бар. Оған QR коды бар чек алу үшін төлқұжатыңызды сканерлеу керек.

Ары қарай ПТР-тест тапсыру үшін кезек күтеді. Ұзақ тұрудың қажеті болмады, ұйымдастырушылар талдауға материал жинау үшін көптеген кабина орнатып қойған. Бірақ талдаудың өзіне келгенде асығыстық жоқ, тамақтан мазок мұқият әрі асықпай алынады.

Содан кейін барлығы күту аймағында жиналып, жүктерін алып, автобустарға отырады. Конькимен сырғанау спортының өкілдері мен қызметкерлері, журналистердің бір бөлігі Бейжіңде орналасқан қонақүйге барды, ал шаңғы спорты бойынша өнер көрсетушілер журналистердің бір бөлігімен бірге Қытай астанасының маңындағы тау шаңғы курорты – Чжанцзякоу қаласына бет алды.

Бейжің әуежайынан Чжанцзякоға автобуспен жету 3,5 сағаттан астам уақытты алады екен.

Курорт территориясында емін-еркін қозғалуға рұқсат. Журналистер мен делегация мүшелері Бейжіңде еркін жүріп-тұра алмаған, ал Чжанцзякуда кем дегенде қонақ үй кластерлерінің ішінде жүруге рұқсат етіледі (әр кластерде екі-үш қонақ үй корпусы мен мейрамхана бар).

Осы жағынан алғанда, түскі және кешкі ас кезінде әртүрлі елдерден келген төрешілер, техникалық делегаттар ортасында болып, емін-жарқын сұқбат құруға мүмкіндік бар. Дегенмен дастархан үстінде мынандай шыны бөгеттер қойылған.

Ас мәзірі өте бай, қалағанның бәрі бар.

Чжанцзякаудың ауасы таза, ақырындап жел соғып тұр, күн ашық әрі сәл аяз. Ауа райы демалысқа сай көңіл-күй тудырады. Тіпті волонтерлар, даяшылар, бөлме тазалаушылары мен қабылдау орнындағы қызметкерлер киген санитарлық костюмдер де бойыңызда қандай да бір алаңдаушылық туғызбайды.

Бейжіңде қар жоқ, бірақ Чжанцзякауда мұндай проблема жоқ.

Шаңғы спортының өкілдері бірнеше күн демалып, ресми жаттығуларға кіріседі, содан кейін жарыстар басталады.

Қысқы Олимпиада ойындарының басты фавориттерінің бірі – Норвегия командасы да мұнда келіп жетіп алған, алдында туындаған кейбір қиындықтарға қарамастан олар көшбасшылық құқығын қорғауға дайын.