Нақты тұжырымдар жасайық – Абаев Бейжіңдегі Олимпиада туралы

ҚР Мәдениет және спорт министрі Дәурен Абаев 2022 жылы Бейжіңде өтетін Олимпиада ойындарының қорытындысы бойынша үлкен жиын өткізеді, деп хабарлайды Zakon.kz

Олимпиада аяқталғаннан кейін Бурабайда үлкен көшпелі жиын өткіземіз. Барлығыңызды сонда шақырамын. Онда нақты қорытындылар жасалады. Менің ойымша, қысқы Олимпиаданың қорытындысы бойынша нақты кадрлық шешімдер қабылданады. Мәдениет және спорт министрі Дәурен Абаев

2022 жылғы Бейжіңдегі Олимпиада ойындары 4 ақпанда басталды. Айта кетейік, Қазақстан құрамасының қоржынында бірде-бір медаль жоқ.

13 ақпанда Қазақстан Олимпиада құрамасының ту ұстаушысы Абзал Әжіғалиев спринттік қашықтықта үздік үштікке кіре алмады. Ол төртінші орын алды.

Кейіннен спортшыны мемлекет басшысы да қолдады. Ол Абзал Әжіғалиевке ерік-жігері мен жеңіске деген ұмтылысы үшін алғысын білдірді.