Қазақстанда чемпиондарға өмір бойына төленетін қаржы көлемін ұлғайту ұсынылды

ҚР Мәдениет және спорт министрі Дәурен Абаев ведомствоның алқа отырысында жоғары спорттық нәтижелер үшін өмір бойына төленетін төлемдердің мөлшерін 306 мың теңгеге дейін арттыруды тапсырды, деп хабарлайды Zakon.kz.

Вице-министрге чемпиондарға, жүлдегерлерге, сондай-ақ олардың жаттықтырушыларына өмір бойына төленетін материалдық көмек төлемінің мөлшерін 100 АЕК немесе 306 000 теңгеге дейін арттыруды тапсырамын. Дәурен Абаев, Қазақстан Республикасының Мәдениет және спорт министрі

Министр сондай-ақ спорттық медицинаны жаңғырту бойынша шаралар кешенін әзірлеуді тапсырды, оның ішінде басқалармен қатар шетелден мамандарды шақыру да бар.

Абаев спорт төрешілерінің жалақысын көтеру қажеттігін де атап өтті.