Қазақстандық велошабандоз Азия чемпионатында жетінші «алтынды» еншіледі

Қазақстан ұлттық командасының велошабандозы Игорь Чжан Душанбеде өтіп жатқан шосседегі велоспорттан Азия чемпионатындағы топтық жарыста жеңіске жетті, деп хабарлайды Zakon.kz.

Бұл жарыс Азия чемпионаты аясындағы соңғысы болды. 175 шақырымды бағындыру мақсат етілді. Игорь Чжан спринтерлік жарыста жеңіске жетті.

Оны өкшелей қуып жеткен Нариуки Масуда (Жапония) және Жамбалжамц Ерденабат (Моңғолия) екінші және үшінші орындарға ие болды.

Осылайша, қазақстандық команда Азия чемпионатын жеті алтын, сегіз күміс және бес қола медальмен түйіндеді.