Қазақстандық боксшы Серік Мұсаділов қатарынан 12-жеңіске жетті

Америкалық Дулутта (Миннесота) өткен бокс кешінде ауыр салмақтағы қазақстандық Серік Мұсаділов (12-0, 10 КО) доминикандық Хосе Антонио Абреуды (14-12, 8 КО) нокаутқа түсірді, деп хабарлайды Zakon.kz.

Жеңіліс көрмеген 27 жастағы павлодарлық боксшы биылғы алғашқы жекпе-жегін өткізді. Бұл жолғы сайыс та ол үшін сәтті аяқталды. Ауыр салмақтағы жекпе-жек жоспарланған сегіз раундқа созылмады. Финалдық гонг қазақстандықтың жеңісімен, бесінші раундта ауыр нокаутпен аяқталды.

Посмотреть эту публикацию в Instagram

Публикация от Serik Mussadilov (@serikmussadilov)

Мені үнемі қолдап, уайымдайтын жандарға рақмет! Бірге күштіміз. Алға Қазақстан! – деп жазды Серік Мұсаділов

«Панда» лақап атымен танымал қазақстандық спортшы күшті соққылармен қарсыласын нокаутқа түсірді. Содан кейін жекпе-жектің төрешісі Серік Мұсаділовтің жеңісін тіркеді.