Кукушкин мен Попко Испаниядағы жарыстың жартылай финалына өтпей қалды

Михаил Кукушкин мен Дмитрий Попко Испаниядағы Мальорка челленджер турнирінің ширек финалында қарсыластарына жол берді, деп хабарлайды Zakon.kz.

Михаил Кукушкин (әлемнің 214-ракеткасы) ширек финалда болгар теннисшісі Александр Лазаровтан (394-ракеткасы) жеңіліп қалды. Есеп: 7:6 (7:4), 4:6, 6:7 (3:7), деп хабарлайды ҚТФ баспасөз қызметі.

Дмитрий Попко (әлемнің 232-ракеткасы) ширек финалда 18 жасар Иордан теннисшісі Абдалла Шелбайхтан (әлемнің 654-ракеткасы) ұтылды. Есеп: 7:5, 3:6, 1:6.