Бокстан АЧ-2022: Қазақстан әйелдер құрамасының қоржыны үш қола медальмен толықты

Бокс, сурет - Zakon.kz жаңалық 09.11.2022 20:51

Сурет: kfb.kz

9 қарашада Иорданияның Амман қаласында бокстан 2022 жылғы Азия чемпионаты аясында әйелдер арасында жартылай финалдық жекпе-жектер өтіп жатыр. Күндізгі сессияда Қазақстан намысын қорғаған төрт боксшының үшеуі қола медальмен шектелді, деп хабарлайды Zakon.kz.

Жалғыз Жайна Шекербекова ғана финалға жолдама алды.

Отандық боксшы Ләззат Күнгейбаева 81 келіден жоғары салмақ дәрежесінде үндістандық Альфия Тараннум Акраммен кездесті. Төрешілер шешіміне сәйкес, Ләззат қарсыласынан жеңілді.

Осылайша, Ләззат Күнгейбаева Азия чемпионатының қола жүлдері атанды.

Күндізгі сессияда Азия чемпионы Мәдина Нұршаева 66 келіге дейінгі салмақта оңтүстіккореялық Чой Хон Гюнмен бақ сынасты. Кездесу өте тартысты өтті. Алайда қазылар жеңісті кореялық боксшыға берді. Осылайша Мәдина қола жүлдені місе тұтты.

Күндізгі сессияда 50 келіге дейінгі салмақта өнер көрсеткен Назым Қызайбай 1/2 финалда екі дүркін әлем чемпионы, жапония өкілі Намики Цукимиге жол беріп, қола жүлдегер атанды.

Оқи отырыңыз