Футболдан Қазақстан құрамасы жолдастық кездесуде Өзбекстанға есе жіберді

Футбол, сурет - Zakon.kz жаңалық 16.11.2022 22:36

Сурет: kff_team

Ташкенттегі орталық стадионда Өзбекстан мен Қазақстан құрамалары арасында футболдан жолдастық матч өтті. Алаң иелері 2:0 есебімен жеңіске жетті, деп хабарлайды Zakon.kz.

Жолдастық кездесудің тағдыры бірінші таймда-ақ шешіліп үлгерді. Өзбек футболшылары қонақтар қақпасына 2 гол соғып, үзіліске шықты. Алғашқы таймның 13-ші минутында алаң иелерінің шабуылшысы Ходжимат Эркиновтың көмегімен есеп ашылды. Ал бірінші таймның аяқталуына бір минут қалғанда өзбек командасының басты фовариті, итальяндық "Романың" өкілі Эльдор Шомуродов тағы да гол соқты.

Екінші таймда есеп өзгерген жоқ, командалар ойыншыларын ауыстырумен болды, қазақстандық жанкүйерлер Бауыржан Исламханның құрамаға оралғанының куәсі болды.

Қазақстандық ұжым келесі жолдастық ойынын 19 қарашада сырт алаңда БАӘ командасына қарсы өткізеді.

Оқи отырыңыз