Садақ атудан Астанада өткен халықаралық турнирдің қорытындысы шықты

Елордада садақ ату спортының негізін қалаушы, ҚР еңбек сіңірген жаттықтырушысы Ли Светлана Николаевнаны еске алуға арналған жыл сайынғы "Қазақстан Гран-приі" халықаралық турнирі өз мәресіне жетті, деп хабарлайды Zakon.kz.

Бес күн бойындағы додадан кейін жекелей және командалық жаттығулардың жеңімпаздары мен жүлдегерлері анықталды.

"Турнирге 8 мемлекет, Қазақстанның 6 облысы, 94 спортшысы қатысты. Олардың арасында Әзірбайжан командасының (кадеттер санатында 2" алтын") табысты өнер көрсеткенін атап өтуге болады, блокты садақ атудан Ресей командасы бас жүлдені жеңіп алды. Көрші елдер - Грузия, Өзбекстан, Қырғызстан да командалық және жекелей сында жүлделі медальдарға ие болды", – деп атап өтті елордалық садақ ату федерациясының президенті Ғабит Сәтмағамбетов.

Астана қаласының спортшылары командалық және жекелей сында медальдар еншіледі:

• Воропаева Александра (классикалық садақ, әйелдер арасындағы жеке біріншілік);

• Мұхтияров Вячеслав (классикалық садақ, ерлер арасындағы жеке біріншілік);

• Әсет Адемир (блокты садақ, ерлер арасындағы жеке біріншілік);

• Амангелді Айман (блокты садақ, әйелдер арасындағы жеке біріншілік);

• Қамар Рахымжан (классикалық садақ, кадеттер арасындағы жеке біріншілік);

• Ермұханова Сабина (классикалық садақ, қыздар арасындағы жеке біріншілік).

Астана қаласының құрамасын Олимпиада чемпиондары Серік Сәпиев пен Илья Ильин қолдады.