Конькимен жүгіруден Әлем кубогы кезеңінде Надежда Морозова күміс медаль иеленді

Конькимен жүгіруден Қазақстан құрамасының өкілі Надежда Морозова Канаданың Калгари қаласында өткен Әлем кубогының кезеңінде екінші орын еншіледі, деп хабарлайды Zakon.kz.

Қазақстандық спортшы мәре сызығын 1:52.823 уақытта кесіп өтіп, 1500 метр қашықтықта күміс медаль жеңіп алды, деп хабарлайды ҰОК баспасөз қызметі.

Надежда Морозова "алтын" иеленген жапондық спортшы Михо Такагиден (1:52.549) кейін екінші болып мәреге жетті. 

Үшінші орын 1:52.934 нәтижесін тіркеген голландиялық спортшы Антуанетта Де Йонгқа бұйырды.