Иранның шахматшысы Қазақстандағы жарыста өз елінің заңын бұзып, басы дауға қалды

Әлеуметтік желі, сурет - Zakon.kz жаңалық 28.12.2022 01:27

Сурет: Facebook/FIDE - International Chess Federation

Иранның шахматшы қызы Сара Хадем блиц бойынша әлем чемпионатына қатысқан болатын, алайда жарыс кезінде ол Иран билігі талап ететіндей хиджапта болмаған, деп хабарлайды Zakon.kz.

Бұл туралы Golosameriki.com хабарлайды.

Халықаралық шахмат федерациясы Алматыда (Қазақстан) өткен жарыстардағы ойыншылардың фотосуреттерін жариялады. Соның ішінде Хадемнің шахмат тақтасына ойлана үңіле қарап отырған суреті де бар. Онда қыздың басы ашық, шашы иығына төгіліп тұр.

Хадем - жарысқа Иранның атынан қатысқан жалғыз бойжеткен.

Иран қыз-келіншектерінің хиджаб кию мәселесі өз елдерінде соңғы айларда ушығып тұр. Иранның тәртіп полициясы қыркүйек айында ұлттық киімнің дресс-кодын бұзғаны үшін 22 жастағы Махса Аминиді ұстаған болатын. Ол қамауда көз жұмып, соған байланысты елде наразылық акциялары бұрқ ете түскен еді.

Оқи отырыңыз