Жаңалықтар тізбегі
0

Қазақстан - Польша матчында Тимофей Скатов таразы басын теңестірді

Тимофей Скатов Сурет: ktf.kz
Аустралияның Брисбен қаласында United Cup командалық турнирі аясында Қазақстан - Польша матчы өтіп жатыр, деп хабарлайды Zakon.kz.

Кортқа бірінші болып әлемнің 1-ракеткасы Ига Швентек пен дүниежүзілік рейтингіде 51-орында тұрған Юлия Путинцева шықты, деп хабарлайды Қазақстан теннис федерациясының баспасөз қызметі.

Бұл ойында Швентек 6:1, 6:3 есебімен басым түсті. Содан кейін әлемнің 142-ракеткасы Тимофей Скатов пен рейтингіде 260-сатыдағы Даниэль Михальски шеберлік байқасты. 2 сағат 10 минутқа созылған тартысты бәсекеде Скатов 7:6 (9:7), 6:2 есебімен жеңіске жетті. Тимофей 3 эйспен бірге 10 брейктің екеуін өз есебіне жазды.

Осылайша, Қазақстан - Польша матчында есеп теңесті – 1:1.

Екі ел теннисшілерінің арасындағы бәсеке ертең жалғасады. Александр Бублик Хуберт Гуркачпен (10 АТР), Жібек Құламбаева Магда Линетпен (48 WTA) сынға түседі. Топтық бәсекенің соңғы ойынында А. Бублик пен Ж. Құламбаева И. Швентек - Х.Гуркачпен кездеседі.

Биыл алғаш рет ұйымдастырылған United Cup командалық жарысында Қазақстан Швейцариямен бірінші матчта еш қайран қыла алмай, 0:5 есебімен жеңіліп қалды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: