Қазақстан бокс қауымдастығының халықаралық рейтингінде бірінші орында тұр

Қазақстан Халықаралық бокс қауымдастығының рейтингінде бірінші орын алды, деп хабарлайды Zakon.kz.

Халықаралық бокс қауымдастығы ұйымның ресми сайтында барлық салмақ дәрежесіндегі жекпе-жектердің рейтингінің жаңартылған нұсқасын жариялады. Қазақстан рейтингте Өзбекстан, Үндістан және АҚШ-ты басып озып, бірінші орынға шықты. Рейтинг барлық 17 салмақ дәрежесін ескереді.

Бұл рейтинг Таиландтың Бангкок қаласында 16-27 қаңтар аралығында өтетін бокстан 22 жасқа дейінгі ұлдар арасындағы Азия чемпионаты қарсаңында жасалды.

Көрші мемлекеттерден Өзбекстан екінші орында болса, Украина он екінші, Армения мен Ресей он төртінші және он бесінші, Қырғызстан отыз сегізінші орын алды.