Қазақстандық мергендер стендтік атудан Азия кубогында 5 медаль жеңіп алды

мергендер, сурет - Zakon.kz жаңалық 25.02.2023 15:33

Сурет: Facebook/Асхат Оралов

Қазақстандық мергендер Кувейтте өтіп жатқан стендтік атудан Азия кубогында 2 алтын, 1 күміс және 2 қола медаль жеңіп алды, деп хабарлайды Zakon.kz.

Қуанышты хабарды Мәдениет және спорт министрі Асхат Оралов Facebook-тегі парақшасында жазды. Оның сөзінше, спортшылар барлық жүлдені "скит" жаттығуында — дөңгелек стендте атудан жеңіп алды.

Шымкенттік мерген Ольга Панарина жекелей және Әсем Орынбай, Зоя Кравченко сияқты спортшылардан жасақталған құрама сапында командалық жарыста алтын алды.

Эдуард Ещенко, Юнус Мачжон және Артем Седельников бастаған ерлер құрамасы күміс жүлдеге ие болды.

Әсем Орынбай мен Эдуард Ещенко қола жүлдеге қол жеткізді.

"Қазақстан спортшыларының кейінгі жетістіктері (мысалы, Әлем Кубогының жалпы медальдық есебінде бірінші орын) кездейсоқтық емес екенін тағы да көрсетеді. Бұл, әсіресе, Париж Олимпиадасы қарсаңындағы сөзсіз зор қуаныш. Өтіп жатқан турнир барысында біздің мергендер жеңіс тұғырына тағы бірнеше рет көтерілетініне сенімдімін. Спортшыларымызға сәттілік тілеймін және барлық қазақстандық жанкүйерлерді Азия Кубогының сәтті басталуымен құттықтаймын".Асхат Оралов

Оқи отырыңыз