"Азия балалары-2023" қысқы ойындарында жас спортшыларымыз алғашқы медальдарын иеленіп үлгерді

Қазақстандық спортшылар қоржынына алғашқы медальді 1500 метрге жүгіруден қола жүлдегер атанған Малика Жолтабар салды, деп хабарлайды Zakon.kz.

Посмотреть эту публикацию в Instagram

Публикация от Спортты дамыту дирекциясы (@drs_kz)

Спортты дамыту дирекциясы таратқан ақпаратқа сүйенсек, Маликадан кейін Мейіржан Төлеген дәл осы қашықтықта жасөспірімдер арасындағы 2023 жылғы қысқы ойындардың күміс жүлдесін ұтып алды.

Сурет: Instagram/drs_kz

Бұл екі жүлде Қазақстан құрамасына медальдық есепте 3-орыннан көрінуге мүмкіндік берді. "Азия балалары" II қысқы ойындары 5 наурызда аяқталады.

Бұл ойындарға Қазақстаннан алты спорт түрі бойынша 64 спортшымыз қатысады: шорт-трек, конькимен жүгіру, керлинг, шаңғы жарысы, шайбалы хоккей және шаңғымен секіру.