Елена Рыбакина WTA-1000 турнирінің жеңімпазы атанды
Сурет: ktf.kz
Қазақстанның үздік ракеткасы Елена Рыбакина финалда әлемнің 2-ракеткасы, Беларусь теннисшісі Арина Соболенконы ұтып, Индиан-Уэллстегі WTA-1000 турнирінің жеңімпазы атанды, деп хабарлайды Zakon.kz.
Бір сағат 20 минутқа созылып, тартысты өрбіген бірінші партияда Рыбакина тай-брейкте жеңісті жұлып алды – 7:6 (13:11). Ол екінші сетте де есесін жібермеді – 6:4, деп жазды Қазақстан теннис федерациясының ресми сайты.
Екі сағаттан астам уақытқа созылған бәсеке барысында Елена 7 эйс жасап, 10 брейк-пойнттың үшеуін пайдаланды.
Осылайша, алғаш рет WTA 1000 жарысының жеңімпазы атанған Рыбакина Соболенкодан Аустралия ашық чемпионатының финалында кеткен есені қайтарды.
Сондай-ақ Елена Рыбакина өз спорттық жолында алғаш рет әлемдік рейтингіде жетінші орынға көтерілді Бұл жеңісімен Рыбакина әлемнің 7-ракеткасы атанды. Бұл – 23 жастағы спортшының бүкіл мансабындағы ең жоғары лауазымы.
18 наурызда Елена Рыбакина әйелдер теннисінен әлем көшбасшысы польшалық Ига Свиатекті жеңіп, Мастерстің финалына шықты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
