Елена Рыбакина Вероника Фальковсканы жеңді

Әлемнің 7-ракеткасы Елена Рыбакина Билли Джин Кинг кубогының 2023 жылғы Қазақстан мен Польша арасындағы кездесуі аясында Вероника Фальковсканы жеңді, деп хабарлайды Zakon.kz.

Қазақстандық теннисші әлемнің 253-ракеткасын екі сетте, 6:3, 6:4 есебімен ұтты.

Бірінші ойын күнінен кейін қазақстандықтар 2:0 есебімен алға шықты.

Посмотреть эту публикацию в Instagram

Публикация от Kazakhstan Tennis Federation • Astana Open (@ktf.kz)

Осылайша, Елена Рыбакина Қазақстан құрамасының әлем чемпионаты финалына шығу мүмкіндігін арттырды.

Сурет: Қазақстан теннис федерациясы

Ертең, 15 сәуірге Елена Рыбакина мен Магда Линеттің, Юлия Путинцева мен Вероника Фальковсканың матчы жоспарланған. 

Айта кетейік, Астанада алғаш рет Билли Джин Кинг кубогының іріктеу матчы өтіп жатыр. Теннистен Қазақстанның әйелдер құрамасы Польша командасына қарсы ойнайды. Бұл кездесудің жеңімпазы әлем чемпионатына жолдама алады.

Еске салайық, мұның алдында қазақстандық теннисші Юлия Путинцева әлемнің 19-ракеткасы, польшалық теннисші Магда Линетті 7:5, 6:3 есебімен ұтқанын хабарлаған едік.