Қазақстан футболшылары жеңісін Абай облысының тұрғындарына арнады

Футбол, Еуропа чемпионатының іріктеу кезеңі, Солтүстік Ирландия, Абай облысы, сурет - Zakon.kz жаңалық 20.06.2023 14:04

Сурет: Тwitter/kzsbornaya

Футболдан Қазақстан ұлттық құрамасының қорғаушысы Абзал Бейсебеков Солтүстік Ирландиямен болған кездесуден кейін ойын туралы пікірін білдірді. Ол әріптестерінің атынан жеңісті жуырда ғана алапат өрттен зардап шеккен Абай өңірінің тұрғындарына арнайтынын айтты, деп хабарлайды Zakon.kz.

Абзал Бейсебеков Солтүстік Ирландиямен ойын өте қиын болғанын атап өтті.

Посмотреть эту публикацию в Instagram

Публикация от Kazakhstan national football team (@kff_team)

"Өздеріңіз көргендей, көбінесе қорғаныста болдық, қарсы шабуылмен шығуға тырыстық. Алланың қалауымен ұттық. Жеңісті бүкіл Қазақстанға, әсіресе Абай облысына арнаймыз. Қазақ елі, жеңіс құтты болсын! Қобалжу болған жоқ. Бас бапкердің айтқан тактикасы бойынша ойнадық. Алғашқы 15 минут олар алға қарай жүгіреді деген оймен ойнадық. Біз жинақы ойнадық, 15-20 минуттан соң өзіміздің ойынды ойнадық. Керемет ойнадық. Бәрі 100 емес, 200 пайыз бар күшін салып ойнады. Соның арқасында үш апай біздікі, енді тек қана алға!. Абзал Бейсебеков, Қазақстан құрамасының ойыншысы

20 маусымда Қазақстан құрамасы Белфастта Солтүстік Ирландия құрамасын 1:0 есебімен ұтты. Бұл жеңіс біздің ойыншылар үшін Еуро-2024-тің іріктеу кезеңінде қатарынан үшінші жеңісі болды. Алдымен "Астана Аренада" Магомед Адиевтің командасы Еуропа чемпионатының жартылай финалисті және Н тобындағы басты фаворит Дания құрамасын 3:2 есебімен сенсациялық түрде ұтты. Сонымен бірге кездесу барысында 0:2 есебімен ұтылды.

Осыдан кейін 16 маусымда Сан-Марино командасын сырт алаңда 3:0 есебімен ұтты. Кеше түнде ұлттық құрама Солтүстік Ирландия құрамасынан 1:0 есебімен басым түсті.

Оқи отырыңыз