Бүгін Александр Бубликтің кіммен кездесетіні және ойын уақыты белгілі болды

Теннис, сурет - Zakon.kz жаңалық 09.07.2023 09:56

Сурет: ktf.kz

Қазақстандық теннисші Александр Бублик (ATP рейтингінде 26-шы орын) бүгін, 9 шілдеде Уимблдонның 1/8 финалында ресейлік Андрей Рублевпен (7-ші орын) кездеседі, деп хабарлайды Zakon.kz.

Sport.kz мәліметінше, Бублик пен Рублевтің матчы тікелей эфирден Астана уақытымен сағат 18.30-да көрсетіледі.

Бұдан бұрын турнир барысында Александр Бублик америкалық Маккензи Макдональдты (54-ші) – 6:7, 6:4, 6:4, 6:4, тағы бір америкалық теннисші Джеффри Вулфты (48-ші) – 6:3, 7:6, 6:0, сондай ақ неміс ойыншысы Максимилиан Мартерерді (170-ші) – 6:4, 6:1, 7:6 есебімен ұтқан болатын.

Бублик ATP рейтингісінде жекелей сындағы Қазақстанның үздік теннисшісі болып табылады.

Айта кетсек, алдында Александр Бубликтің Уимблдондағы жұптық сында өз еркімен ойыннан шеттегені хабарланған болатын.

Оқи отырыңыз