Уимблдон-2023: Елена Рыбакина жартылай финалға шыға алмады

Елена Рыбакина Уимблдонның ширек финалында Тунис теннисшісі Онс Жаберден ұтылып қалды, деп хабарлайды Zakon.kz.

Матч 1 сағат 54 минутқа созылды. Есеп - 7:6 (7:5), 4:6, 1:6.

Уимблдон чемпионы Рыбакина ойын барысында 7 эйс жасады, 3 қос қателікке жол берді және 9 брейк-пойнттың екеуін ғана сәтті жүзеге асыра алды. Онс Жабер болса, 8 эйс жасап, екі қос қателікке жол берді және 9 брейк-пойнттың бесеуін сәтті орындады. 

Осылайша былтырғы Уимблдон финалында Рыбакинадан ұтылған Жабер реванш жасады.

Финалға шығу үшін енді Жабер беларусь теннисшісі Марина Соболенкомен ойнайды.