Қазақстанда Red Bull Half Court стритболдан халықаралық турнирінің іріктеу ойындары басталды
Сурет: Red Bull
Жеңімпаздар Сербия астанасында өтетін әлем чемпионатына жолдама алу үшін Астанаға аттанады.
Red Bull Half Court – әлемнің 20 елінде өтетін 3х3 форматындағы жаһандық баскетбол турнирі. 2023 жылы 20 000-нан астам қатысушы болады деп күтілуде, бұл Red Bull Half Court-ты планетадағы ең ауқымды стритбол жарысына айналдырады. Былтырғы әлемдік финал Египетте өткен болатын. Біздің еліміздің атынан Do Bro командасы қатысты. Балалар тамаша ойын көрсетті, бірақ финалға өте алмады. Биылғы жылы Белградқа кімнің баратыны – 12 тамызда Астанада өтетін ұлттық финалда белгілі болады.
Әзірше республиканың төрт қаласында баскетболшылар өз шеберлігін көрсетіп жатқан іріктеу турнирлері жүріп жатыр. Алматыдағы іріктеу ойындары қызықты әрі қызу өтті. Күні бойы Forum СОО төрт алаңында командалар кімнің жылдам, күшті және төзімді екенін анықтады.
3х3 баскетболда команда төрт ойыншыдан тұрады: үшеуі алаңда және біреуі ауыстыратын ойыншы. Командалар бір қақпада ойнайды. Матч 10 минутқа немесе қарсыластардың бірі 21 ұпай жинағанша созылады. Кәдімгі лақтыруға бір ұпай, қашықтықтан лақтыруға екі ұпай беріледі. 5х5 баскетболға қарағанда, стритболда ойын едәуір жылдам өтеді. Ойыншылардың комбинацияларды айналдыруға уақыты болмайды, шабуылға небәрі 12 секунд бөлінген, шешімді жылдам қабылдау керек және доп тигізгеннен кейін уақыт тоқтатылмайды, сондықтан ойын жоғары қарқында жалғасады.
Қатысушылар арасында бастаушы баскетболшыларды да, кәсіби клубтар атынан ойнайтын ойыншыларды да байқауға болды.
Әр ойын сайын тегеурін күшейе түсті. Жанкүйерлер – финалға кімнің өтетініне ұтыс тікті. Алматы біліктілігі тегеурінді және болжап білу мүмкін болмайтын түрде өтті. Әсіресе финал сөздің тура және ауыспалы мағынасында қызу өтті. Кешкі уақытқа қарамастан термометр бағанасы 32 градус ыстықты көрсетіп тұрды. Сондықтан жігіттердің біраз тер төгуіне тура келді.
Финалда турнирдің екі фавориті – МАО Team және RAKHAT командалары кездесті.
Биылғы жылы Қазақстанда алғаш рет Red Bull Half Court турнирінде ойнаған нәзік жандар осы күнге дейін ерлер арасында ғана өткізіліп келген жарыстарды түрлендіре түсті. Бар-жоғы алты команда болғанымен, қыздардың әр матчы көрермендердің назарында болды. Әдемі финттер, дәл лақтыру және жігерлі күрес қыздар арасындағы жарысты алматылық біліктіліктің басты оқиғасына айналдырды.
Әйелдер номинациясында BC TOMIRIS командасының ойыншылары – Алтыншаш Зинабдин, Елизавета Митина, Аделя Мұстафина, Тамилла Жакипова жеңіске жетті. Қыздар 5х5 баскетболмен кәсіби түрде айналысады.
Келесі іріктеу кезеңі 23 шілдеде Шымкентте өтеді, содан кейін эстафета Астана мен Ақтауға ауысады, ол қалалардағы ойындар 30 шілдеге жоспарланып отыр.
Red Bull Half Court стритбол бойынша халықаралық турнирінің әлемдік финалына жолдама алу үшін шешуші күрес 12 тамызда елордада өтеді. Ерлер арасындағы квалификацияның сегіз жеңімпазы және ең үздік төрт қыздар командасы Сербияда Қазақстанның намысын қорғау құқығы үшін күресетін болады.
Серіктестік материал
