"Манчестер Юнайтед" камерундық қақпашы Андре Онананы сатып алды

"Манчестер Юнайтед" футбол клубы, футбол, қақпашы, сурет - Zakon.kz жаңалық 21.07.2023 12:04

Сурет: Instagram/andreonana.24

Италияның "Интер" футбол клубы мен Камерун ұлттық құрамасының 27 жастағы қақпашысы Андре Онана британдық "Манчестер Юнайтедке" ауысты, деп хабарлайды Zakon.kz.

Онана ағылшындық клубпен бес жылға келісімшартқа отырды, кейін оны тағы бір жылға ұзартады.

"Зор мәртебе. Мен өмір бойы осы сәтке жету үшін көп тер төктім, осы жолда көптеген кедергіні жеңдім. Қақпаны қорғау үшін "Олд Траффордқа" шығып, үлесімді қосу тағы бір керемет тәжірбие болады. Бұл жаңа командадағы әріптестермен және жету үшін аянбай күресуді керек ететін зор мақсаттармен жаңа сахаттың бастауы. "Манчестер Юнайтедте" керемет қақпашылар болды. Алдағы жылдары өз мұрамды жасау үшін барымды саламын. Эрик тен Хагпен қайта жұмыс істеу мүмкіндігі жігерлендіреді". Андре Онана, "Манчестер Юнайтед" футбол клубының қақпашысы

Андре Онана "Манчестер Юнайтедтің" қазіргі бапкері Эрик Тен Хаг жаттықтырған "Интерге" дейін голландиялық "Аякс" командасында ойнады. Камерундық Италияға кеткенге дейін үш лига чемпионы және екі Голландия кубогын жеңіп алды. "Интер" құрамында ол Италия кубогын жеңіп алды және Чемпиондар лигасындағы "құрғақ" матчтар саны бойынша рекордшы атанды.

Оқи отырыңыз