30 жастағы Денис Евсеев теннистен Президент кубогының чемпионы атанды

Қазақстандық, әлемнің 412-ракеткасы, 30 жастағы Денис Евсеев Астанадағы Президент кубогы үшін өтіп жатқан "Челленджер" турнирінің финалында жеңіске жетті, деп хабарлайды Zakon.kz.

Жарыстың 3-ракеткасы болып тіркелген қазақстандық теннисші финалда рейтингіде 550-сатыдағы өзбекстандық Хумаюн Сұлтановпен кездесті. 

Қазақстандық теннисші алғашқы сетте 0:5 есебімен ұтылып тұрып, кейін 7 геймді қатар жеңіп, сетті алды.

Екінші сетте өзбекстандық 6:2 есебімен басым түсті.

Үшінші, шешуші сетте Денис Евсеев 6:4 есебімен жеңіп кетті.