Юлия Путинцева Монреальдағы турнирдің 1/8 финалына шыға алмады

Қазақстанның екінші, әлемінің 61-ракеткасы Юлия Путинцева Монреальдағы (Канада) турнирдің 1/16 финалындағы матчын өткізді, деп хабарлайды Zakon.kz.

Юлия Путинцева турнирдің екінші айналымында әлемнің 3-ракеткасы, америкалық теннисші Джессика Пегуламен ойнады.

Матч 1 сағат 24 минутқа созылды.

Ол қарсыласынан 4:6, 4:6 есебімен екі сетте жеңілді.

Қазақстандық теннисші матч кезінде бір қос қателік жасап, үш брейк-пойнттың біреуін сәтті пайдаланды.

Енді америкалық теннисші Джессика Пегула келесі айналымда итальялық спортшы Ясмин Паолинимен ойнайды.