Юлия Путинцева да Мадридтегі турнирдің 1/8 финалына шықты

Қазақстанның екінші, әлемнің 50-ракеткасы Юлия Путинцева Мадридтегі "Мастерс" турнирінің 1/16 финалындағы матчын өткізді, деп хабарлайды Zakon.kz.

Қазақстандық спортшы әлемнің 56-ракеткасы, америкалық теннисші Кэролайн Доулхайдпен кездесті.

Путинцева қарсыласын 6:2, 6:2 есебімен қапы қалдырды.

1 сағат 7 минутқа созылған ойын барысында бес брейк-пойнттың төртеуін өз есебіне жазды.

Енді қазақстандық теннисші жарыстың төртінші айналымында ресейлік спортшылар Анастасия Павлюченкова мен Дарья  Касаткина арасындағы матчтың жеңімпазымен ойнайды.

Еске салайық, бұған дейін Қазақстанның бірінші ракеткасы Елена Рыбакина дәл осы турнирдің төртінші айналымына шыққанын жазған едік. Ол үшінші айналымда мысырлық теннисші Майар Шерифті екі сетте 6:1, 6:4 есебімен жеңді.