Рыбакина Цинциннатидегі турнирдің 1/8 финалында италиялық Ясмина Паолинимен ойнайды

Қазақстанның бірінші, әлемнің төртінші ракеткасы Елена Рыбакина АҚШ-тың Цинциннати қаласында өтіп жатқан WTA 1000 турниріндегі алғашқы матчын өткізді, деп хабарлайды Zakon.kz.

Елена Рыбакина ойынды екінші айналымнан бастап, турнирдің осы кезеңінде әлемнің 20-ракеткасы, латвиялық теннисші Елена Остапенкомен кездесті.

Матч Қазақстан теннисшісінің жеңісімен аяқталды – 6:7, 6:2, 6:4.

Осылайша, Елена Рыбакина жарыстың үшінші айналымына өтті. Ол енді италиялық Ясмина Паолинимен кездеседі.

Матч 18 тамызда Астана уақытымен 00:00-де басталады.