Испаниядағы көркем гимнастикадан әлем чемпионатында ел намысын кімдер қорғайды

Жуырда Испанияның Валенсия қаласында көркем гимнастикадан 40-әлем чемпионаты басталады. Бұл бәсекеде Қазақстан атынан кімдердің өнер көрсететіні белгілі болды, деп хабарлайды Zakon.kz.

Қазақстан құрамасы лицензиялық біріншілікте жеке және топтық жарыстарда өнер көрсетеді.

Жеке жаттығуларда ел намысын Елжана Тәниева мен Эрика Жайлауова қорғайды.

Ал топтық жаттығулар бойынша Аружан Қасенова, Айдана Шаяхметова, Баян Қойбақар, Аружан Қалсаева, Ақсұңқар Әбдірахман, Аяулым Қадыр өнер көрсетеді.

Әлем чемпионаты 23-27 тамыз аралығында өтеді.