АЧ-2023: Волейболшы қыздарымыз Филиппин мен Гонконг құрамаларын жеңді

Волейбол, АЧ-2023, сурет - Zakon.kz жаңалық 31.08.2023 18:06

Сурет: Instagram/volleyfederationkz

Волейболдан Қазақстан әйелдер құрамасы Филиппин мен Гонконг командаларын жеңіп, Таиландта өтіп жатқан XXI Азия чемпионатында өз ойындарын сәтті бастады, деп хабарлайды Zakon.kz.

Ришат Гилязутдиновтың шәкірттері Азия чемпионатының бірінші күнінде Филиппин волейболшыларын үлкен қиындықпен болсын, жеңді. Есеп: 3:2 (25:21, 17:25, 24:26, 27:25, 15:6).

Бір тәуліктен кейін қазақстандықтар Гонконг командасымен кездесті. Есеп: 3:0 (25:16, 25:23 және 25:17). Осылайша, осы екі жеңістің арқасында біздің қыздар d кіші тобында өткізетін алдағы соңғы матчтың нәтижесіне қарамастан Азия чемпионатының плей-офф кезеңіне шығуға кепілдік ала білді.

Ал топтық кезеңнің соңғы ойынында, 1 қыркүйекте Қазақстанды әлемдік әйелдер волейболының көшбасшысы - Қытай құрамасы күтіп тұр.