Теннистен әлем чемпионатына Қазақстан әйелдер құрамасынан кімдер қатысатыны белгілі болды

Қазақстан әйелдер құрамасынан Billie Jean King Cup командалық әлем чемпионатына кімдер қатысатыны белгілі болды, деп хабарлайды Zakon.kz.

Ярослава Шведова бастаған жаттықтырушылар штабы келесі ойыншыларды таңдап алды: Елена Рыбакина (WTA жекелей рейтингінде 5-орын), Юлия Путинцева (WTA-ның жекелей рейтингінде 68-орын), Анна Данилина (WTA жұптық рейтингінде 32-орын), Жібек Құламбаева (WTA жұптық рейтингінде 154-орын) және Аружан Сағандықова (WTA жекелей рейтингінде 743-орын).

Қазақстан құрамасы В тобына түсті, онда Словения және Аустралия құрамаларымен ойнайды. Аустралиялықтар былтырғы әлем чемпионатында күміс жүлдегер атанған, жалпы алғанда олар өз тарихында 7 рет үздік атанды.

2023 жылғы Billie Jean King Cup финалы 7-12 қараша аралығында Севильяда (Испания) өтеді. Әлем чемпионатына Қазақстаннан басқа тағы 11 команда қатысады: Швейцария (2022 жылғы Билли Жин Кинг кубогының жеңімпазы), Аустралия, Франция, Канада, Чехия, Италия, АҚШ, Испания, Словения, Германия және Польша (уайлд-кард иегері).